انا خلاص بجد.....أرفت وزهقت وطهقت وتعبت وارهقت....طلعلى 111 فى وشى مش عايزة تروح
البلد دى حالها بقى يأرف الى ميتأرفش ليه كده....فى ايه ..ده غضب من ربنا وللا ايه؟ رحمتك يارب
بجد الواحد نفسه يهج على اى داهية مش مهم ..ماهى بقت الدواهى كتير .... ده مش بوست من بوستاتى المفرحة
لكن بجد انا جبت اخرى من البلد دى...نتعب وندفع فلوس وتطلع عيننيا ونتبهدل وبرده الكوسة بنت (اللذينا) هيا الى متحكمة فينا
امتى نبقى بنى آدمين بقى....امتى نقلد الناس الى بره ..شاطرين بس نقلدهم فى قلة الادب
امتى ندى لكل واحد حقه على قد مجهوده ..مش على قد فلوسه وللا فلوس ومركز اهله
قولت اشتغل..قالولى خدى الكورس الفلانى بالمبلغ الفلانى عند الشخص الفلانى
ادينى دفعت الفلوس و خدت الكورس وعملت الانترفيو على يومين (محصلتش فى الشركة الى روحتها قبل كده بس اقول ايه ,,,حظى مميز فى كل موضوع ادخله) !!!! لما طلع عينى وأرفت وتعبت بجد ومستنية لما يحنو عليا ويقلولى النتيجة
انا بصبر وكل حاجة ....لكن لما يقلولى شغلك تمام .وانهم محتاجين ناس تشتغل وده عن طريق المدير والناس الى بتشتغل هناك.وييجو بعدها بيومين يقلولى محتاجة تدريب اكتر والشغل مش مظبوط , وانهم عايزين يشغلو شباب مش بنات!!,,ابقى اعمل ايه بقى
تلكيك عشان مقبلش وللا اضرب نفسى بستين جزمة انى دخلت فى مجال مش مجالى ودفعت فيه مبلغ محترم ومش هاخد شهادة كمان لانه عند مهندس قالى انه هيدربنى ويشغلنى بعضمة لسانه.. ولا اغير جنسى واحول وابقى راجل عشان الاقى فرصة وظيفة فى البلد ال(...) دى !!!!.دلوقتى يقولى انه هيسيب الشركة وهيكملى الكورس ومقلقش ومخفش وانا تمام والهبل اللى لا بيودى ولا بيجيب
بيقولو مصر وحشة لكن اهلها بيحلوها....سورى بقى...اهلها هما الى جايبنها الارض...دول هما اس الفساد فيها....ماهم برده الناس الى بترشى وبتسرق وبتقتل وتغتصب وتروح تتفسح فى مارينا وسويسرا ..ماهم الموظف الى بيمد ايده عشان يمشيلك شغلك..ماهو صاحب الفرن الى بيوقف الناس طوابير ويدى عيش للى يعرفه الاول....ماهو المدير الى يشغل الشخص الى مش مناسب للشغل لمجرد انه معرفة او خد منه فلوس...ماهو الراجل الى بيغتصب بنت صغيرة...ماو الشاب الى قتل جدته او اخوه عشان الفلوس..ماهى الزوجة الى ضربت حماتها ...ماهو الشاب الى بيشرب حشيش ومخدرات ليل نهار...ماهى الشابة الى باعت شرفها الحتة بخمسة جنيه والحسابة بتحسب... ياااااااااه كتير اوى اوى ....
هما حلين...يا اغير جنسيتى لاى دولة تانية انشالله حتى موزمبيق.....او ان مصر كلها تتهد وتتبنى من جديد والهدم يشمل المبانى والشوراع
و قبلهم الناس ..انشالله نستورد ناس من بره بيفهمو
